Aebiroad

Neujahr, churz-schnurz

Es Jahr isch schnäll verbii
Ich hoff’, sigsch zfriede gsii
Scho chlopft es neus a d Tür
Ich wünsch’ der Glück derfür!

.

Was macht eigentlich Franz Hohler?

Franz Hohler u. René Quellet in der Kindersendung "Spielhaus"

Eine Rubrik «Was macht eigentlich … ?» sieht man da und dort. So auch in einer TV-Programm-Zeitschrift. Nein, nicht in dieser. In der anderen. Personen, die man einmal vom Fernsehen kannte, eignen sich besonders gut als Objekt einer solchen Nachfrage. Nachrichten-Sprecherinnen, ehemalige Missen und Misters, Hilfs-Sportreporter und andere weiter nicht interessante Leute, die uns ehedem namentlich bekannt waren und – ohne dass sie etwas Besonderes geleistet hätten – zu Cervelas-Prominenten avanciert waren. Nur deshalb, weil sie für beschränkte Zeit flimmernde Gäste in unseren Stuben waren. Weiterlesen…

Begriffs-Päärli

Donner und Doria!
Dië chömed mit Ross und Wage
und fahred chrüüz und quer; hüscht und hot,
vo Pontius zu Pilatus.
Und zwar mit Pauke und Trumpete.
S gaht alls ganz und gar drunder und drüber.
Si frässed und suuffed, alls durenand:
Chruut und Rüebli,
Späck und Bohne.
Zuëständ wië Sodom und Gomorra.
Schimpf und Schand!
Bluët und Bode sind verrate.
Alls drunder und drüber
und zwar samt und sonders.
S muës eifach sii: ghaue oder gstoche.
Nolens volens gitts es Unglück.
Dië gönd under mit Mann und Maus;
mit Huut und Haar.
Da nützt weder Schmiëre no Salbe.
Da chasch meh oder weniger säge:
S isch ghupft wië gsprunge.
S isch Hans was Heiri.

Chrüüz und Rüebli,
Chruut und quer
schmiëre und springe,
hüpfe und salbe:
S’isch Hämp was Hose,
s isch Fläck was Mose.

.

Kappenfest bei APG

O-Ton CB:

“Da en Rappe, deet en Rappe
Git e schöni Zipfelchappe!”

.

Flüüger gäge Chaoote

Wiisheite vom Stammtisch

Dassault Rafale

Xavi:
Z Züri händs neui Freïluft-Partylokal am Bellwü und am Zäntral.

Mugi:
Hätt s dänn deet Platz zum Fäschte bi dèm Verchehr?

Xavi:
Ja; d Polizeï isch au deet und luëget, dass d Partygänger gnuëg Platz händ.

Harri:
Hey, jetz chum i ersch nah … ha-ha! Party isch nöd schlächt. Z Suuffe händs zwar gnuëg, aber tanze tüënds komischi Tänz mit Stei und Chnebel. Und ali händ chalti Ohre und Kapuze n aa.

Mugi:
Ahaa, ihr meined dië Chaoote wo am liëbschte ales zämeschlönd. Mich reged dië bireweiche Arschlöcher furchbar uuf. Ich han immer s Ggfühl, d Polizeï heïg eifach zwenig Lüüt.

Xavi:
Das besseret jetz dänn scho. Für meh Polizeï hämmer zwar zwenig Gält aber defür hämmer voorig gnuëg für d Armee. Di beede Parlamäntschammere z Bèèrn wänd sogar zwänzgtuusig Maa meh als de Bundesrat vorschlaat; und dezuë no neui Flüüger subito. Föif anstatt viër Milliarde pro Jahr sind da en Pappestiel.

Harri:
Und wänn eus halt d Öschtriicher oder d Liëchtesteiner nië aagriifed, dänn bombardiëred mer z Züri d Chaoote uf de Plätz und d Huuligäns vor em Letzigrund und sammled zwänzgtuusig Tuble n ii zum Gräbe uushebe für es neus Redüi. Hauptsach, mir chönd de n alte Militärromantiker z Bèèrn ihri heilig Chuë am Läbe n erhalte.

Röösli, dreï Stange!

.