Aebiroad

Räbsorte

Me kännt sitt villne hundert Jahre
Räbsorte, d Viilfalt isch so riich
Pass uuf, uf eimal muesch erfahre
Dass s mängisch Näme sind fürs Gliich

Heisst s i der Oschtschwiiz Blauburgunder
So isch s im Wältschland Pinot noir
Am Zürisee gitts druus, o Wunder
En fruchtig-feine Klevner gar

Chiavenna heïg ’mal Cläven gheisse
De Jürg Jenatsch heïg ase gsäit
Do heïgets bim s Bergell-uuf-Steisse
Vältliiner-Stöck uf Stääfe träit

Us dere Sorte, ohni z bschiisse
Da gitt s sogar no Fäderewiisse

.